السلام عليكم ورحمة الله وبركاته
براغيت البحر
يمكن العنوان غريب شوية بس فيه فعلا كائنات بحرية اطلقوا عليها اسم براغيت البحر بس دى طبعا مش زى البراغيت المعروفةلانها مش بتمتص دم الكائن الحى لا دى وظيفتها زى المدلك والطبيب والممرض فى نفس الوقت طيب ازاى؟
اى سمكة فى البحر تكون مصابة بجرح او قرحة او عايزة تعمل تدليك تروح لبراغيت البحر ولازم السمكة تكون فى وضع راسى يعنى زعنفتها لفوق وراسها لتحت تيجى براغيت البحر تدور حول راس السمكة وبعدين تمسح عين السمكة وتدخل بين خياشمها وتنضف بشرة السمكة ولو بشرة السمكة عليها اى طفيليات براغيت البحر تزيلها وتاكلها ولوالسمكة فيها اى جرح او قرحة براغيت البحر تعالجها
الاتحاد الثلاثى ده برضو نوع غريب من الاتحاد بين 3 كائنات بحرية طيب ايه هم سرطان البحر او بمعنى ادق الكابوريا وشقائق النعمان ودودوة بحرية طيب ايه حكايتهم ؟
الكابوريا صدفته ضعيفة رخوة ممكن بسهولة اى كائن بحرى يكسرها وياكل سرطان البحر يروح سرطان البحر يدور على اى قوقعة حلزونية يكون الكائن اللى فيها مات ويدخل سرطان البحر جواها ويدور على شقائق النعمان ويحطه فوق القوقعة وفى نفس الوقت بيكون فيه دودةموجودة
طيب ايه فايدة الاتحاد ده؟
سرطان البحر بيصطاد اللى هياكله واللى بيتبقى منه بياكله شقائق النعمان
الدودة بتنضف مكان اكل سرطان البحر وشقائق النعمان واللى بتنضف بتاكله
شقائق النعمان بيعمل ايه ؟عنده ابر فى جسمه الابر دى فيها مواد مهيجة او سامة لو اى عدوهاجم الاتحاد الثلاثى شقائق النعمان بيشكه بالابر وممكن العدو ده يكون وجبة مغذية للاتحاد الثلاثى