هدوء نائب المدير
عدد الرسائل : 1826 الاوسمه : اعلام الدول : مزاجك اليوم : المهنة : الهوايه : sms : وله فى خلقه شئون !!!! تاريخ التسجيل : 13/05/2008
بطاقة الشخصية اللعبه: 1
| موضوع: ياترى العيب فى مين !!!!!! الأحد نوفمبر 28, 2010 10:05 pm | |
| السلام عليكم ورحمة الله وبركاته اجبتلكم قصتين من الحياة اليكم لا من كتاب ولا منتدى ولا من جرنال اقرأوا كده يمكن تقولولى العيب فى مين !!!!!!!!! القصة الاولى بنت عمرها ميزيدش عن 20 سنة او اقل كمان من عشرين بنت وحيدة على اخوات صبيان امها مهتمتش تعلمها شغل البيت وابوها مهتمش يعلمها فى المدارس كان عايز يخرجها من المدرسة من وهى فى اعداد لانه من انصار مبدأ البنت ملهاش غير بيت جوزها وتتعلم ليه ولا هى مصاريف وخلاص وخصوصا ان اخواتها كانوا متأخرين فى التعليم مع العلم ان ابوها مش فقير وتفوت الايام ودخلت البنت الثانوى الفنى وتفوت الايام ويفكر ابوها يجوزها وفعلا اتجوزت هتقولولى طيب والبنت فين من ده كله هى لسه طفلة متعلمتش حاجة وخليكوا فاكرين ان امها معلمتهاش حاجة فى شغل البيت علشان كانت هى اللى بتعمل شغل البيت وللما جوزت ابنها قالت اتعب بنتى ليه وقالت امال انا مجوزة ابنى ليه وفكرت انها بكده بتريح بنتها وبعد الجواز انتقلت البنت لبيت عيلة يعنى مفيش كسل مفيش هزار فيه شغل صح وطبعا دى متعرفش حاجة عن شغل البيت كانت فاكرة انها خرجت من بيت ابوها واتجوزت وهتتفسح ومكنتش تعرف يعنى ايه مسئولية كانوا يقولوها اخبزى العيش يتحرق منها طيب اطبخى الاكل يشيط طيب اعملى كذا ولا كذا مكنتش بتعرف ورجعت البنت لبيت ابوها وامها بس وهى شايلة لقب مطلقة ياترى العيب كان فى مين !!!!! ]u]القصة التانية [/u] انسة متعلمة فى العشرينات اتجوزت من شاب متعلم زيها وربنا كرمهم ورزقهم بابن جميل لكن نعمل ايه فى الرجالة اللى عينها زايغة اتعرف على واحدة غيرها وكان هيتجوزها طبعا هى عرفت كده قالت مقبلش ضرة وفعلا تم الطلاق واتعجبت انه باعها وهانت العشرة وبالرغم من انهم اطلقوا الا ان جوزها متجوزش التانية اللى عرفها على مراته !!!!!!! لالا مش دى نهاية القصة مرت الايام وطبعا كانت بطلت قصتنا معاها حضانة ابنها وكل ما يتقدم لها واحد ترفض علشان ابنها لالالا مستعجلوش وتقولوا جدعة اهى هى دى الستات ولا بلاش اسمعوا القصة لاخرها مرت الايام واتقدم لها واحد بس ايه المرة دى العريس كان متجوز وعنده بنت ومراته كانت ست محترمة وجدعة لكن نعمل ايه فى العيون الزايغة وخصوصا انه كان مرتاح ماديا بالرشوة والكسب غير المشروع راح الناصحين لبطلة قصتنا وقالولها بلاش ده متجوز وانتى مجربة بلاش ده فلوسه حرام ودى ولا كان حد بيكلمها وكتبت الكتاب على العريس الهباب اللى كان ربنا مبتليه بتأخير الخلفة وبعد ما خلف من مراته الجدعة بنته الوحيدة واتغنى قال اجرب تانى واجيب الولد اللى يورثنى وسابت بطلة قصتنا ابنها وطمعت فى عريس الغفلة ياترى يا سادة ياكرام حد يقولى العيب فى مين !!!!!!!!!!!!!!!! | |
|